ჰიდროგეოფიზიკისა და გეოთერმიის კვლევითი ცენტრი

ჰიდროგეოფიზიკისა და გეოთერმიის კვლევითი ცენტრი არის თბილისის სახელმწიფო უნივერსიტეტის მიხელის ნოდიას სახ. გეოფიზიკის ინსტიტუტის ნაწილი. ცენტრი ორიენტირებულია შესაბამისი თემათიკის კვლევების განხორციელებაზე, გამოცდილების გაღრმავებასა და სრულყოფასა. ასევე, არსებული ცოდნის ახალგაზრდებისთვის გადაცემაზე. ცენტრი ეწევა შემდეგ სამეცნიერ-კვლევით საქმიანობას:

• მიწისქვეშა წყლების საბადოების (მათ შორის სასმელი, მინერალური და თერმული) დაძიებას, შეფასებას და ეკოლოგიურად გამართლებული ექსპლუატაციის რეჟიმის შერჩევას, რაც უზრუნველყოფს მათი რესურსების დაცვას და რეგიონების მდგრად განვითარებას;
• გარემოს ტოკსიკური და რადიაციული დაბინძურებისა და მისი ადამიანის ჯანმთელობაზე გავლენის შესწავლას;
• ჰიდროსფეროს ჰიდროდინამიკურ, ჰიდროქიმიურ და თერმულ მონიტორინგს, გეოდინამიკური (მათ შორის სეისმური) პროცესებისა და ეკოლოგიური მდგომარეობის კონტროლის მიზნით.