საქართველოს გეოთერმული ასოციაცია +

საქართველოს გეოთერმული ასოციაცია არის პროფესიული გაერთიანება, რომელიც ხელს უწყობს გეოთერმული ენერგიის ფართოდ გამოყენებას. ასოციაცია არის სამეცნიერო, საგანმანათლებლო-კულტურული ორგანიზაცია. იგი არ წარმოადგენს პოლიტიკურ გაერთიანებას, არის არაკომერციული და არ ეწევა ეკონომიურ საქმიანობას. ასოციაციაში გაწევრიანებულია 60 მაღალკვალიფიცირებული მეცნიერი, რომლებიც მოღვაწეობენ ისეთ ორგანიზაციებში, როგორიცაა გეოფიზიკის, ჰიდროგეოლოგიისა და საინჟინრო-გეოლოგიის ინსტიტუტები და სხვა.
საქართველოს გეოთერმული ასოციაცია არის საერთაშორისო გეოთერმული ასოციაციის (IGA) წევრი: www.geothermal-energy.org
მიზნები და ამოცანები:

• გეოთერმული კვლევების გაფართოება-გაღრმავება, გეოთერმული რესურსების შესწავლა და მათი ექსპლუატაციის რაციონალური ტექნოლოგიების შემუშავება ორგანული სათბობის ეკონომიისა და ეკოლოგიური სისუფთავის მიზნით.
• უწყებათაშორისო კავშირების გაძლიერების, გამოცდილების გაცვლის, ინფორმაციის დაგროვების, გავრცელებისა და პოპულარიზაციის ხელშეწყობა.
• გეოთერმული კველევების შედეგების დანერგვა მეცნიერებისა და ტექნიკის სხვადასხვა დარგში, განათლების, მრეწველობისა და სოციალურ სფეროში.
• ასოციაციის წევრების აქტიური მონაწილეობის ხელის შეწყობა საერთაშორისო პროგრამებსა და პროექტებში; მათი მივლინება საზღვარგარეთ; უცხოელი კოლეგების საქართველოში მიღება; უცხოური ფირმებისა და ორგანიზაციების დაკავშირება საქართველოს ორგანიზაციებთან ერთობლივი საწარმოების შექმნის თვალსაზრისით; სხვა საერთაშორისო აქტივობა.
• სამეცნიერო და თემატურ სემინარებში, კონფერენციებისა და სათანადო საერთაშორისო ღონისძიებებში თავისი წევრების მონაწილეობისათვის ხელის შეწყობა;